接一下这个客家山歌

山歌又好声又靓,画眉难比妹歌声
上岗过坳唱一首,百斤担子也变轻

客家山歌特出名，条条山歌有妹名。条条山歌有妹份，一条无妹唱唔成。

唱歌唔系贪风流，唱歌本为解忧愁。唱得忧愁随水去，唱得云开见日头。

山歌唔系考声音，总爱唱来意义深。句句唱来解劝妹，句句唱出动郎心。

唱歌唔系考秀才，好好歹歹唱等来。人人都有忧愁事，山歌一唱心就开。

唱歌唔论好歌喉，条条唱出解忧愁。一日三餐歌绑饭，夜夜睡目歌贴头。{1}吃饭。

敢放白鸽敢响铃，敢唱山歌敢大声。瞒人敢话唱唔得，官司打到北京城。{1}谁人。

山歌算来系正格，祖公厅下都唱得。大郎叔公系敢话，同渠须菇邦呀撇。{1}拔掉。

乾隆登基古怪多，官府出来禁山歌。我个山歌禁得绝，你个皇帝台难坐。

山上布惊开蓝花，唔怕家官当老爷。出门山歌总爱唱，唔怕坐监杀头哪。{1}头颅。

讲唱山歌对头筋，一时唔唱头哪晕。三日唔曾食只饭，山歌一唱就精神。{1}正对劲。

山歌又好声又软，好比湖寮面线干。好比湖寮面线样，绕绕韧韧邦唔断。{1}大埔县城。

山歌又好声又靓，画眉难比妹歌声。上岗过坳唱一首，百斤担子也嫌轻。

山歌又好声又清，字字句句听得真。你唱一首又一首，三日唔睡也精神。

东较场里搭歌台，八方歌手逞歌才。山歌好比梅江水，源远流长滚滚来。

打鱼唱歌歌满河，掌牛唱歌歌满坡。砍柴阿哥满山走，满山满地都系歌。{1}放牛。

讲唱山歌涯过多，唐山起唱到暹罗。曼谷同妹来对驳，歌声传到北榄坡。{1}指我。

讲唱山歌涯也多，暹罗唱到吉隆坡。歌头还在大北叻，歌尾连到新加坡。

山歌唔唱唔风流，猪肉唔煎唔出油。将把猪油蘸歌子，随口唱出都顺喉。

敢唱山歌开大喉，唐山唱到五大洲。客家山歌特别好，歌仙就在涯梅州。{1}指刘三妹。

天上星星万盏灯，肚里山歌万万千。唱日唱夜唱唔倦，唱年唱月唱唔完。