UC知道如何做冬瓜水
来源：百度知道 编辑：UC知道 时间：2024/06/15 22:14:49
《月令七十二候集解》中讲到:“六月节……暑,热也,就热之中分为大小,月初为小,月中为大,今则热气犹小也。”暑,就系炎热嘅意思。小暑为小热,但重唔系十分热,只系表示天气开始热啦；到咗阳历7月嘅下旬,就系大暑,呢个先系全年最热嘅时候。
不过而家嘅气候同古时候已经好唔同,自从6月中啲龙舟水退晒之后,广州白天嘅气温就冇低过30℃。虽然俗语有云:小暑大暑,有米懒煮。只不过而家小暑未到,人嘅胃口就已经变得麻麻地,好似食乜都唔感兴趣。
往年呢个时候,阿婆就会攞出佢嘅独门武器,帮我地消暑解渴。其实啲武器讲落都好简单,冬瓜水加祛湿粥而已。不过阿婆啲冬瓜水就认真矜贵,要三四年先有一大盅口架!点解?因为做法复杂咯!首先选一个大只嘅靓冬瓜,洗干净兼切头去尾,然后连皮斩开成一件件,跟住放落一个大瓦埕,冚好盖,再用水泥封实啲边,放喺屋企阴凉嘅地方,一放就系三四年。时候到咗,打开盖,啲冬瓜肉已经化晒水,皮都变到茸茸烂烂,放落浸药酒嘅大樽里面可以放满一樽,而且可以再摆多几年添。
用阿婆嘅冬瓜水,加上赤小豆、扁豆、生熟薏米、茨实、赤茯苓、川萆、木棉花、灯芯花、莲蓬呢啲材料,就可以煲出调理脾胃、消暑清热,利肠通便嘅祛湿粥。炎炎夏日,食一碗真系好过食饭啊!
阿婆嘅冬瓜水唔单止可以煲祛湿粥,平时感冒、发烧果阵煲一碗嚟饮都好有功效口架!只不过而家啲新屋好难再有阴凉嘅地方用嚟放瓦埕、整冬瓜水,所以我地要饮都要靠乡下啲亲戚帮手咯。
1.冬瓜去皮切片，去籽。
